ك فرح وانسه شكثر احزان
ما ظنيت منك تكثر ........احزاني
وتمنيتك مسافه من الدمع للعين
اخلصهه بوجودك واختم اشجاني
تمنيتك قصيده من الألف للياء
اكتبهه بسلاسه وابد ما ....اعاني
تمنيتك تحن وتكول هذا انسان
حبك وتعذب مو شخص ... ثاني
تمنيتك سؤال وحله انت تكون
تقاسمني دمعتي بزمن .... بجاني
وتمنيتك لهفة عاشك ومعشوك
ولا لحظه بحياتك سهو .... تنساني
كثرن امنياتي وثكلتهه ...اعليك
بس ما ريدهن منك بعد .........آني
مشنقة العشك كصت هواي كلوب
وكلبي اليوم ملني وهو .... كصاني
مل مني حقه ما فرح فد يوم
عفته سنين وحده .. لوحده يعاني
وداعآ يا كلب مو مني كل الصوج
واحجي شما تكول انسدت ... أذاني
موضوع: شكثر احزان 
الجمعة أغسطس 05, 2016 11:36 am
